NOMePISESoFREGHAO

grupo de acçom e reflexom ghedelluda

RedeArchive for the '' Category

Grazas Laure

19 12 2011

O pasado venres tivemos a oportunidade de partillar con Laure Rodríguez Quiroga non só unha palestra, senon tamén momentos distendidos de debate e charla informal.

Laure é traballadora social, activista, investigadora do feminismo islámico contemporáneo, aportou coñecemento sobre a construción de roles de xénero a través dos medios, falamos tamén das diferentes interpretacións que se poden facer do Corán sobre as relacións homosexuais…

Aparte de todo esto partillamos outros momentos informais nos que falamos da vida, a de Laure a vida dunha muller adicada ao seu traballo e que trapasa os límites do persoal, como boa feminista, como boa compañeira, con moitas cousas en común e ao tempo unha gran distancia, a influencia da relixión, mas primou o compañeirismo feminista, porque cando se exerce desde dentro non hai relixión que rompa os nosos lazos.

Grazas Laure, até pronto!! Seguiremos colaborando e partillando!!

1 comment

CONTRA O ISLAM?. DEFORMACIÓNS DA VISÓN EUROCÉNTRICA. ROLES DE XÉNERO MUSULMANES NOS MEDIOS

11 12 2011

::::::::::Este Venres 16 de decembro::::::::::
::::::::::::::::::::Ás 20:00h.:::::::::::::::::::::::::::::
:::::::::::::Na Galería Sargadelos:::::::::::::::::

PALESTRA:
CONTRA O ISLAM?. DEFORMACIÓNS DA VISÓN EUROCÉNTRICA
ROLES DE XÉNERO MUSULMANES NOS MEDIOS
POR:
LAURE RODRÍGUEZ QUIROGA

Laure é activista e pensadora do Feminismo Islámico contemporáneo. Investigadora e Membro do Comité  Executivo do Instituto de Estudos Euromediterráneos da Universidade Complutense de Madrid. Actualmente preside a Unión de Mulleres Musulmás de España, sendo co-directora do Congreso Internacional de Feminismo Islámico. É Directora da Consultora Social e Intercultural Torre de Babel, sendo asesora en materia de xénero para diferentes entidades.

Con Laure poderemos comprender a construcción dos roles de xénero que se fai desde os medios e desde a perspectiva eurocentrista para así ter as claves para deconstruilos.

Organiza: Fugaemrede, Maribolheras Precárias e Nomepisesofreghao

Comments are off for this post

Actos dos coletivos feministas na Corunha contra as violencias machistas

24 11 2011

O xoves 24 de novembro os coletivos feministas da Corunha estaremos na praza de Lugo a partir das 16.30h. , con actividades varias, música, información sobre os recortes nos servizos públicos, recollida desinaturas  contra os recortes, charla sobre a autodefensa feminista, lectura do manifesto contra AS VIOLENCIAS MACHISTAS e moito mais!!!

achégate pola plaza de Lugo!!!

+ INFO

Comments are off for this post

Post curso de verán… Obrigadas!!

26 09 2011

Os días 14 ao 17 de setembro tivemos ocasión de participar no Curso de Verán: Suxeitos emerxentes. Sexualidades e feminismos contemporáneos que organizaron as Maribolheras Precárias na UDC.

Para nós foi un placer ser convidadas e, sobre todo, compartir eses días con tanta xente que enriqueceu os nosos discursos e que, unha vez mais, demostra que o traballo en rede ten que ser a nosa aposta feminista para que as nosas loitas teñan sentido, soas non podemos, con amigas sí…

Deixamos aquí a reportaxe que Tingalaranga fixo das xornadas:

http://www.youtube.com/watch?v=cPjUmNthW5I&feature=share

Por este traballo queremos agradecer ás MBP, Anxela, Antía, Bocixa, Leil Zahra Mortada, Pedro Malpica, Maggie Schmitt, Mulheres Transgredindo, Majo e Elena (PostOp), María Llopis, Mª José Belbel,  Beatriz Suárez Briones, María Ruido, Gayo-Piñeiro, Laura Bugalho, Peque Varela, Mónica Bar Cendón… ao resto de participantes e asistentes ás xornadas por todo o que aportaron. Gracias a  todo esto decatámonos de que seguimos creando e pelexando.

Comments are off for this post

Suxeitos Emerxentes: sexualidades e feminismos contemporáneos

11 09 2011

Este mércores 14 ás 10 da mañá estaremos na mesa redonda: Colectivos feministas que empregan a linguaxe artística como práctica política na Galiza
MULHERES TRANSGREDINDO (Santiago de Compostela), MARIBOLHERAS PRECÁRIAS (A Coruña), NOMEPISESOFREGHAO (A Coruña)

O curso de verán ten como propósito fundamental dar a coñecer as novas correntes teóricas e prácticas do pensamento crítico feminista e dos movementos de liberación sexual actuais. O enfoque debe ser comprendido a partir dunha dislocación múltiple do suxeito feminista, onde a identidade moderna, homoxénea e esencial do suxeito “muller” comeza a ser redefinida, diver…sificada e afinada pola intervención múltiple de novos suxeitos que emerxen desde contextos xeográficos e políticos afastados tradicionalmente da centralidade política feminista.

+info maribolhera.com

Comments are off for this post

Sem as mulheres nom há revoluçom, XXV Festival de Poesía do Condado

31 08 2011

A presente ediçom do nosso festival poético e cultural está dedicada às luitas das mulheres pola sua emancipaçom, pola igualdade, pola superaçom de um sistema patriarcal que opreme a dignidade das que mesmo som a maior parte da humanidade. Um festival que sempre focou a sua mensagem nas reivindicaçons populares nom podia obviar umha batalha que se nom ganhamos nunca poderemos ser verdadeiramente livres, nem mulheres nem homens.

Como sempre, festa e compromisso dam-se cita em Salvaterra de Minho para celebrar a já vigéssimo-quinta ediçom de um festival que recupera a sua referencialidade entre as comemoraçons lúdicas e culturais do verao galego. O primeiro fim de semana de Setembro, vemo-nos mais um ano na beira galega do Minho.

PROGRAMA DO XXV FESTIVAL DA POESIA NO CONDADO

2 e 3 de setembro 2011. salvaterra de minho.

Sexta-feira 2 de Setembro
19.30
Apertura de exposiçons
Covas de Dona Urraca / CASA DO CONDE

20.15
Projecçom de Audiovisuais
COVAS DE DONA URRACA
Umha pola Outra

22.30
Noite nas minas*
Covas de Dona Urraca
Recital de MARIA DO CEBREIRO
Concerto de DE OUTRA MARGEM
O Remate: Comida, Repichoca e Festa

*Aforo limitado
– Entrada 10 €
– Reservas: info@scdcondado.org ou             667 336 730       |             986 658 036

Sábado 3 de Setembro
11,30
Passa-ruas
Viagens no
Comboio de baixa velocidade

12.30
Campionato de bilharda
Feira popular: colectivos e artesanato

ZONA DAS MURALHAS

– Reserva de postos: info@scdcondado.org ou             986 658 036

13.00
Mesa redonda com COLECTIVOS FEMINISTAS (Marcha Mundial das Mulleres, Mulleres Nacionalistas Galegas, Asamblea de Mulleres do Condado, Nomepisesofreghao e Rede Feminista Galega)
casa do conde

17.00
Festa Infantil
Paula Carballeira
– Obradoiros
ZONA DAS MURALHAS

AO LONGO DO DIA
Projecçom de vídeo-poemas
COVAS DE DONA URRACA
– María Lado
– Lucía Aldao
– Ledicia Costas
– Colectivo Rec-deiras

19.30
Projecçom de Audiovisuais
COVAS DE DONA URRACA
Curtas premiadas no Festival de Cans
Gato Encerrado (Peque Varela)

21.00
FESTIVAL POÉTICO-MUSICAL
ZONA DAS MURALHAS

– Apresentam: Os da Ría

POETAS
– Andrea Nunes Brións
– Catarina Nunes
– Claudio Pato
– Iolanda Aldrei
– Lorena Souto
– Manuel Darriba
– Maria Rosendo
– Paula San Vicente
– Sechu Sende
– X. M. Álvarez Cáccamo

GRUPOS
– Habelas Hainas
– Marful
– Ulträqäns
– Cuchufellos
– Maria Alice
(Cabo Verde)

Comments are off for this post

Martes 24 de maio, concentración na Coruña contra a lei de Familia

23 05 2011

Este martes pasa a lei de familia o último trámite antes de ser aprobada definitivamente. Esta lei, que parte dunha ILP promovida por grupos da ultradereita Española promove a volta ao heteropatriarcado mais radical mediante a lexitimación dunhas cosiognas morais que recuperan o papel da muller como nai e coidadora, a familia como unha institución encarregada de soster o sistema, por suposto non contempla a liberdade de elección das mulleres á hora de decisidir cando e como ser nais, acúsanos de ser as causantes da despariación do estado de providencia por reducir a produción de crianzas, asignándonos o papel de incubadoras.

Aquí tes unha análise do proxecto que será inminentemente aprobado polo parlamento galego a partir do martes.

Podes consultar o texto do anteproxecto da lei aquí. E aquí o dictame do CES onde a califica de retrógrada e moralista.

Por todo isto convocamos na Coruña unha concentración o martes, ás 20:00h, na coraza do orzán (onde as bandeiras do paseo marítimo).

ACUDE E DIFUNDE!!! NON Á LEI DE FAMILIA!!! SOMOS PERSOAS, NON INCUBADORAS!!!

Comments are off for this post

Repensar o movemento

16 05 2011

experiencias e alianzas na cidade
Xornadas de xuntanza
Sen dúvida, estamos nun momento de impase, de cambio de ciclo. Os mecanismos de control e dominación do sistema capitalista están transformándose no marco global e semella que a escala cidade pode ser unha das máis acaídas para armar e rearticular respostas desde os movimentos sociais. Poren atopámos que ,desde os movimentos da cidade non acostumamos artellar momentos onde reflexionar e discutir colectivamente da memoria viva das nosas propias experiencias. Atopamos tamén, serias dificultades para superar o guetto e construir redes e tecer alianzas que sexan quen de mostrarse como forzas constituintes, como actores sociais de referencia na cidade. Somos conscientes que a nosa vontade de articulación é necesariamente proporcional a nosa capacidade de influencia. De aí este chamado da RDS e de Nomepisesofreghao ao debate e a discusión colectiva, de aí este chamado a ‘repensar o movemento’.

Venres 27
20:00
Patio Maravillas
Iván Miró (Assemblea de Barri de Sants)

Sábado 28
10:30: 1_Produción cultural.
12:30: 2_Territorio/medioambiente.
14:30 xantar
16:00: 3_ Modelo organizativo.
18:00: 4_ Acción na cidade.

Organiza:
Rede Dereitos Sociais
Nomepisesofreghao

Comments are off for this post

Galiza despide a Patricia Heras

2 05 2011

Este xoves, amigas de Patricia, as nomepisesofreghao, as maribolheras precárias o centro social Atreu e todos os coletivos e persoas que que queran acompañarnos, queremos rendirlle unha pequena homenaxe a Patricia Heras, e denunciar o proceso de terror ao que foi sometida pola policía,a xustiza, e o concello de Barcelona, que levou ao suicidio forzado de Patricia, lembraremos os seus poemas, pásate polo Atreu!

O pasado 26 de abril, Patri deu un último impulso para saltar logo de non non poder soportar outra insoportable caída, caídas constantes que lle viñan atormentando desde a detención polo caso do 4F, pero esta vez non foi para levantarse, senón para dar un valente e triste salto ao baleiro, un último impulso para arroxarse pola fiestra da súa casa e acabar dunha vez co seu tormento. A perdida de Patri deixounos con desconsuelo unha dor amarga ao perder tamén un soño de liberdade e de xustiza… Porén, non existe o silencio, sempre hai un berro ao pechar os ollos, Patri non che esqueceremos.

POESÍA DE LA POETA DIFUNTA

De
…de rotas noches,
de bailar bonito y silencioso,
de perdida, de gozo y de derrota.
De tres en tres,
de cuidados que no quiero
y de suerte.
De paciencia que se me va y me vuelve loca,
de, de, de…cosas que no pueden ser…
de corazón des-h-echo.
De ira,
de rabia,
de arrebato y de destrozo…
que sólo quiero ser invisible,
y ni si quiera eso,
deshacerme en átomo.
Extraña, extraños sentimientos que nos empujan
y hay dolor, dolores
y en el pecho…delirios y derrotas,
de lirios y de rotas…

http://poetadifunta.blogspot.com/2009/01/4-f-sucesos-para-normales.html

Comments are off for this post

27 de marzo 2011, a Rede Feminista GZ e Nomepises nas rúas da Coruña

27 03 2011

Convocada por Red Madre e Falange, hoxe xuntáronse na Coruña uns centos de persoas integristas antiabortistas. A Rede Feminista Galega e Nomepisesofreghao convocamos unha contraconcentración de sí á vida, digna e livre…foi na praza de María Pita, despois da misa, no noso caso despois de levantarnos tras unha noite de troula con cambio de hora incluído (o enimigo fai esto a propósito, pero nós temos forza para esto e moito mais!!)

Para ver mais fotiños preme na imaxe

A continuación o texto do noso panfleto:

que alguén dixo «si á morte»?

Baixo a mensaxe populista de «SI Á VIDA» e nomes como PRO-VIDA, HAZTE OIR e similares ocúltase unha verdadeira mafia de asociacións e fundacións fundamentalistas cristiás que non teñen nada de caritativo nin bondadoso e que utilizan un despregue propagandísitico nazi subvencionado polos gobernos do PP e os fondos da igrexa.

Cunha demagoxia evidente finxen defender o dereito á vida, utilizando morbosamente imaxes de anciáns moribundos, persoas con deficiencia e fetos. Nada fan por esas miles de crianzas que actualmente están sen familia en fogares de acollida pola pobreza dos seus pais e nais, nin deses nenos e nenas que nunca foron queridas nin desexadas e que pasaron de ser nenos en perigo a nenos perigosos malvivindo en cárceres de menores até a maioría de idade. A lei de familia que as pro-vida, red-madre e similares presentaron no Parlamento e que este aceptou tan hipocritamente, propón unha soa idea de muller: a incubadora. A protección desa familia que defenden consiste só en protexer o embarazo da muller, teña esta idade suficiente ou non, medios para manter a ese fillo ou filla ou non e desexo de facelo ou non. É un parir a toda costa. Chega até tal punto a súa falsa e aparente protección á infancia, que no seu articulado contémplase incluso que, si chegado o momento do parto, a muller ou nena non quere quedar co bebé, se inicia un proceso de adopción, que vai ser controlado por esta xente sen escrúpulos, para a súa entrega a unha “familia” que elas entendan como tal, é dicer, á súa imaxe e semellanza: heterosexual, fascista e rica.

Nos dicemos sí á vida, sin demagoxias, á vida en liberdade onde o dereito a decidir ser nai ou non selo sexa real. Somos mulleres libres e queremos vivir nun mundo libre. Libre de imposicións e hipocrisía, libre de pobreza e explotación, libre das inxustizas do capitalismo e do fanatismo relixioso, libre de quen din defender a vida mentres toleran a pederastia, libre dunha institución cunha historia macabra que comeza co asasinato de millóns de persoas co fin único de impoñer as súas ideas, de colonizar terras e cabezas, de enriquecerse mentres falan de humildade, bondade e comprensión. Esta mesma institución que fala do amor ao tempo que perpetúa unha posición de poder do home sobre a muller, que sinala e demoniza ás mulleres que se revelan contra esta situación. Unha institución sempre aliada cos poderosos, que lle deu a man ao nazismo, ao fascismo e na actualidade ao capitalismo. Non queremos a quenes pretenden ter a potestade sobre as relacións afectivas e sexuais, aceptando unha única fórmula —a heterosexualidade e a familia nuclear— condenando calquera outro tipo de relación entre as persoas.

Non á súa inmensa hipocrisía, que nos culpabiliza e nega a nosa felicidade!.

1 comment

« Páxina anteriorPáxina seguinte »