NOMePISESoFREGHAO

grupo de acçom e reflexom ghedelluda

RedeArchive for the '' Category

Descosendo nas rebaixas, primeira acción da plataforma #BoikotInditex na Coruña

12 01 2013

Hoxe, na Praza de Lugo da Coruña, a Plataforma #BoikotInditex, da que Nomepisesofreghao forma parte, realizou unha acción de presentación da súa campaña de Boikot ao grupo Inditex.

Esta plataforma pretende visibilizar ante a cidadanía as prácticas abusivas que o grupo Inditex realiza a través non só do trato aos seus cadros de persoal nas distintas partes do mundo, senón tamén na Galiza. Denuncia tamén a súa política de contratas e subcontratas, o seu modelo de consumo de fast fashion e a súa contribución a un modelo de beleza marcado polo sistema patriarcal e capitalista.

A acción realizouse diante da tenda Bershka da praza de Lugo da Coruña, hoxe, primeiro sábado de rebaixas, situándose un grupo de mulleres a coser simulando o traballo nos talleres textís mentres visibilizan mediante cartaces situacións reais que se producen no sistema de traballo do grupo Inditex.

A día de hoxe o modelo de empresa que iniciou Amancio Ortega é un modelo que se presenta como de éxito xa que conseguiu situar ao seu principal accionista como o terceiro home mais rico do mundo, que, a pesar da crise na que nos atopamos que empobrece día a día á cidadanía, segue a aumentar os seus beneficios a costa dese sistema de explotación.

Os medios non tiveron xa mais remedio, que sacar á luz as fechorías que o grupo Inditex vai facendo polo mundo adiante a través de subcontratas que escravizan a mulleres e crianzas no seu proceso de producción, sen embargo silencian que isto tamén acontece aquí, no noso país, no suposto primeiro mundo, e a plataforma #BoikotInditex pretende tamén denuncialo.

Por todo isto a plataforma #BoikotInditex comeza esta campaña que seguirá realizando accións de denuncia e boicot ao grupo de empresas e convida ás persoas e colectivos que se queran sumar a participar da plataforma.

PORQUE A VOSA FORTUNA É A NOSA MISERIA: BOICOT A INDITEX!!

Fotos da acción

Vídeo da acción e lectura do manifesto

1 comment

Maisquepublicanas en Compostela

15 11 2012

 

Queridas amigas:

Temos o pracer de convocarvos a unha nova cita para presentar en Compostela o proxecto Máisquepublicanas.

Este é un proxecto de investigación pintada sobre as mulleres durante a república malva, conta coa participación do colectivo feminista Nomepisesofreghao e Lola ferreiro na documentación e aos pinceis Marta Paz.

Este venres día 16 de Novembro estaremos a partir das 20:30 con Lola presentando na Libraría Lila (Rúa Travesa nº 7)

Despois, ás 21:30, continuaremos no bar As Dúas (Praza Oliveira) onde haberá petiscos amenizados pola música de Xosé Taboada e César Morán.

Non podes faltar!

Comments are off for this post

Hidro Santa Cruz: cantas mulleres precisades violar para producir luz?

29 08 2012

O municipio de Santa Cruz Barillas, situado ao nordés do departamento de Huehuetenango en Guatemala, sigue resistindo ao hostigamento e ao terrorismo de estado que se lle está a impor.
A empresa española Econer-Hidralia, que ten como principal benefactor a Luis Castro Valdivia (coñecido na Galiza como o “señor das minicentrais”, asociado con concesións de licencias ilícitas durante a era Fraga e con sentencias condenatorias do TSXG) instala en Guatemala no ano 2009 unha filial, Hidro Santa Cruz, baixo a presidencia de David Castro Valdivia, co obxectivo de instalar unha minicentral hidroeléctrica nunha corrente de auga que forma parte do territorio sagrado, na que se abastecen do vital líquido e pasan o seu tempo de lecer as poboadoras de 23 comunidades próximas, a pesares do rexeitamento explícito das comunidades expresado en varias ocasións a través de consultas comunitarias.

Dende entón, as comunidades mayas da zona viven nun estado de alerta e intimidación constante polas ameazas e crimes cometidos por axentes da seguridade privada da empresa, entre outros, a colocación de explosivos en lugares de paso entre as comunidades e o asasinato dun líder comunitario, Andrés Francisco Miguel, ademáis de ferir de gravidade a outros dous compañeiros.
A situación agrávase o pasado 1º de maio, cando o goberno militarista do xeneral Otto Pérez Molina, descaradamente aliado co capital transnacional declara un estado de sitio no municipio, ocupando 5 comunidades de Barillas con 500 efectivos militares e 400 policías. Oficialízase así a política de terror de estado como estratexia para implantar o medo e disolver a xusta e lexítima protesta social a través da criminalización das lideresas e líderes das comunidades. Unha situación que lembra tristemente os anos máis crueis da guerra en Guatemala.
O momento actual, despois do levantamento oficial do estado de sitio o 18 de maio, é preocupante pola criminalización que segue e a persecución de líderes e lideresas comunitarias vía o sistema formal de “xustiza”. Polo momento, hai 9 persoas encarceradas, das que pouco ou nada se sabe, con acusacións absurdas e infundadas como “desorde público”, “asociación delictiva” e “terrorismo”. Detrás das ordes de captura está a coñecida estratexia do estado de deslixitimar a loita dos pobos pola defensa dos seus territorios por medio da criminalización da protesta social e de provocar o terror como forma de paralizar a resistencia, en poucas palabras, de impor intereses alleos aos comunitarios por medio da represión armada.
Mentres tanto, os militares seguen nas comunidades atemorizando á poboación civil.
Mentres tanto, as mulleres en Barillas resisten tanto como saben, como tiveron que aprender pola súa historia de opresión. Para elas, a militarización pasa polos seus corpos. A presenza de uniformes nos seus territorios convértese nunha ameaza constante de violación sexual. As súas mensaxes contundentes, desvelan o vínculo histórico entre militarización, expropiación dos recursos naturais e violencia sexual, é dicir, que a invasión militar dos territorios comunais en beneficios de intereses neoliberais ven acompañada, sistematicamente, da expropiación dos corpos das mulleres.
Dende Galiza, un grupo de individualidades feministas/a rede feminista galega, posicionámonos en solidariedade coa loita das comunidades mayas de Barillas, en particular coa loita das mulleres que, asediadas pola deslixitimación, as ameazas, o acoso, a intimidación e a violencia sexual, seguen co firme propósito de poñer fin aos procesos históricos de abuso e expropiación da terra e dos seus corpos.

CONCENTRACCIÓN XOVES 30 NA PRAZA DE MARÍA PITA

BARILLAS SOMOS TODAS!!!

 

Comments are off for this post

Liamola ben!!

13 03 2012

O pasado domingo, 11 de marzo, colectivos e organizacións galegas xuntámonos para tomer as rúas de Compostela esixindo os dereitos das mulleres, deixando claro que estamos en loita e que así imos seguir.

A mani do domingo foi unha demostración histórica da fortaleza que ten o feminismo en Galiza, malia que moita xente quera non velo, cando nos artellamos en redes e deixamos de mirar a quen temos ao lado con desconfianza os resultados son bos. Miles de persoas de toda Galiza acudiron á cita, demostramos que temos ganas de pelexar e, sobre todo demostramos, que queremos facelo ao noso xeito, non nos valen as manifestacións litúrxicas, nós queremos loitar con forza, cor, raiba.

Da Coruña partimos un grupiño ben nutrido no tren, e chegamos a tempo para a partida da estación de Compostela, onde estaban agardando as compas, parecía que iamos ser uns centos, pero foi dar a curva da saída da estación e alía había, polo menos un par de miles!! a subida polo hórreo e a entrada na zona vella foi espectácular… deixa pasar!! deixapasar!! son feminista e o mundo vou mudar!! pegaba o sol e as rúas ateigadas de xente qeu se foi unindo até que na Quintana puidemos comprobar que efectivamente somos moitas e estamos dispostas a artellarnos… podedes ver fotiños no Flickr de rizlinha e no GZ Contrainfo, ademáis o compa Bocixa fixo este vídeo para Praza que demostra como temos compañeiros que loitan ao noso lado coas ferramentas que millor manexa cada quen, neste caso montando este traballo audiovisual como outros, nos que Boci sempre está.

Comments are off for this post

O 8 de marzo celébrase o 11

5 03 2012

Vídeo  realizado por nomepisesofreghao para a rede feminista galega. Como convocatoria para a manifestación nacional con motivo do 8 de marzo. Dia das mulleres en loita.

Con fotografías de rizlinha

Domingo 11 de Marzo ás 12h en Compostela. Desde a estación de tren.

A xente coruñenta imos ir no tren xuntas, sae ás 11:55, quedamos no hall da estación da Coruña ás 11:30 para sacar xuntas billetes de grupo e ir quecendo motores. Animádevos!!

TODAS A COMPOSTELA!!

 

Música de korean big skunk y Fuel For Riot

2 comments

Camiñando cara o 8 de marzo… mulleres galegas en loita polos nosos dereitos

28 02 2012

Nomepisesofreghao súmase aos actos convocados desde diferentes organizacións e colectivos feministas do país con motivo do Día Internacional das Mulleres (8 de Marzo). Este ano queremos marchar xuntas, porque especialmente estamos a sofrer as consecuencias do sistema que neste momento oprime con mais forza que nunca e nos fai retroceder en dereitos xa acadados.

O 11 de marzo haberá unha manifestación nacional en Compostela, que sairá ás 12:00h da estación de trens. De aquí alá levaránse a cabo diferentes actividades e accións nas comarcas por parte de aquelas persoas e colectivos que  queran ir facendo ese camiño conxunto de cara o 8 de marzo.

Aquí vos queda o vídeo da rolda de prensa anunciando e argumentando as mobilizacións que numerosos colectivos feministas de Galiza levarán a cabo con motivo do 8 de marzo de 2012:

http://youtu.be/FZlCqp5OZFQ

Ademais podedes ver/descarregar os cartaces premendo nas imaxes:

    

Tamén podes aceder ao manifesto elaborado nas seguintes ligazóns:

Animámos a todas as persoas interesadas en facer este camiño con nós a que contacten para artellar accións conxuntas. Tamén vos convidamos a combinar o día 11 e irmonos todas xuntas no tren que nos leve a Compostela a manifestarnos polos nosos dereitos.

1 comment

Ciclo de debates: “Retomar o público, defender o común”

25 01 2012

A partir do 26 de xaneiro e durante todo febreiro poderemos asistir a diferentes debates sobre dereitos sociais, políticos e económicos que terán lugar na Coruña, en diferentes espazos, todos ás 20:00h:

dereitos e lingua
26 de xaneiro con Celso Alvarez Cáccamo
no CS Gomes Gaioso
 
dereitos e educación
1 de febreiro con Mariló Candedo no CS Atreu!
 
dereitos e comunicación
3 de febreiro con Víctor Sampedro na Galería Sargadelos
 
dereitos e vivenda
9 de febreiro coa RDS, Ergosfera e STOP Desfiuzamentos
na AVV Atochas-Monte Alto-Torre de Hércules
 
dereitos e economía
15 de febreiro na Galería Sargadelos
 
 
Comments are off for this post

Calendario 2012 das labregas, redeiras e mariscadoras galegas (por Lola Ferreiro)

3 01 2012

A compa Lola Ferreiro partillou con nós o calendario de 2012 adicado ás mulleres labregas, redeiras e mariscadoras galegas. Podedes descarregalo para imprimir nas ligazóns que aparecen ao final do artigo:

“As mulleres, silenciadas pola historia en todas e cada unha das súas actividades, méritos e saberes, desde os seus logros persoais, sociais, artísticos, políticos… ata a súa existencia mesma, achegaron ao desenvolvemento da humanidade cousas tan importantes coma o descubrimento da agricultura. Probabelmente por observación, por caeren na conta de que algunhas sementes que caían ao chan brotaban despois para dar unha nova planta… e todo isto, que cambiou radicalmente o xeito de alimentación, de localización e de vida, data de hai máis de 6.000 anos. Porén, este logro nunca lles foi recoñecido ás nosas devanceiras, que ficaron reducidas ao ámbito privado desde aquela. Coidando da prole, coidando do lume, coidando dos cultivos, coidando dos homes… coidaron de todo e de todos agás de si mesmas… e aprenderon que os demais estaban por diante, que non podían ter desexos propios, que o exercicio da súa sexualidade lles estaba vetado… que só podían atender aos desexos dos ho mes e parir, alimentar, coidar, coidar e coidar.
Co paso dos séculos, o patriarcado continuou a abusar das mulleres e, malia as loitas do movemento feminista, xurdido como tal hai algo máis de 120 anos, segue a abusar… porque seis mil anos de opresión non se resolven nun século… e porque aos privilexios non se renuncia así como así.
A participación das mulleres na produción de alimentos foi unha das súas ocupacións tradicionais. En Galicia, traballaron o campo toda a vida e axudaron en tarefas auxiliares da pesca, nomeadamente fabricando e reparando redes, ou no marisqueo, traballo ingrato e insalubre onde os haxa… e pasaron anos e anos traballando sen cotizar á seguridade social e, xa que logo, sen percibir pensión de xubilación chegado o momento.
Mais as labregas, as redeiras e as mariscadoras organizaron as súas propias respostas ante o sistema… e lograron moitas cousas. Fóronse incluíndo nos plans de cotización, foron acadando dereitos laborais e ata lograron unha Lei que lles permitía ser cotitulares das explotacións agrícolas e gandeiras.
Cómpre mullerenaxear as mulleres do campo e ás mulleres do mar. Polo seu traballo, pola súa loita, polo seu exemplo. Porque, unha vez máis van saír prexudicadas das medidas de recortes sociais, económicos e laborais do goberno reaccionario, que as sitúa novamente en posición de precariedade, ao reformar a lexislación sobre pensións que as empobrece, porque non cotizaron nin terán cotizados os anos esixidos para cobraren o 100%; ao recortar as axudas para persoas dependentes, que as obriga a volverse entregar ao coidado destas; ao non incentivar os sectores produtivos onde desempeñan o seu traballo, que as sitúa unha vez máis en posición de inferioridade laboral, económica e social.
Para elas e para todas (e todos), que 2012 veña cheo de enerxías para nos rebelar, para loitar e para construír as alternativas democráticas, fronte ao patriarcado e o capitalismo!!!
Lola Ferreiro

Podes descargalo nas seguintes ligazóns:

Calendario para imprimir en A4

Calendario para imprimir en A3

Obrigada por este agasallo Lola!

Comments are off for this post

Palestra con Carlos Taibo: Da indignación ao contrapoder?

19 12 2011

Da indignación ao contrapoder?

Palestra con Carlos Taibo
Xoves 22 de Decembro de 2011
20.00 horas
Galería Sargadelos, Rúa Real 56, A Coruña

::Ciclo de debates::
“Retomar o público, defender o común”

Convoca:
Rede Robin Hood
Rede de Dereitos Sociais
Nomepisesofreghao
Zoopolitik

Os movementos de indignación global percorren o planeta abrindo siginificativas fendas no sistema. Fendas que repolitizan a vida pública e abren espazos para a esperanza da rebeldía. Pero após meses de mobilizacións e protestos, o contexto histórico que nos atopamos non deixa momento algún para a paralise.

No plano da gobernanza e do poder político instucional, as violentas sacudidas da crise están sendo aproveitadas para lexitimar un auténtico golpe de estado planetario. As estructuras de xestión dos gobernos están a ser usurpadas por poderes económicos situados entre as grandes corporacións empresariais e as agencias de especulación financieira.

Atopamonos pois nun impás no que se torna preciso repensar as formas e os lugares desde os que novos suxeitos indignados e os movementos políticos de contestacion ao capitalismo poden artellar estratexias de conflicto desde as que esixir demandas de transformación social real.

Poren, é preciso de unha forma máis urxente ainda, abrir momentos para a discusión sobre como construir espazos propios onde poder satisfacer todas estas demandas de unha forma non subsidiaria das estructuras de poder, de xeito autónomo e liberado.

O desafío, non é sinxelo. Ante a destrucción do que é de todas e de todos, do público, ante a privatización de cada espazo de vida (educación, saúde, cultura, afectos..) é preciso asumir a necesidade de poñer en marcha entre todas experiencias colectivas non sóde defensa do público, senón de empoderamento do común.

1 comment

POR UNHA MENSTRUACIÓN MÁIS SAUDABLE, ECOLÓXICA, ECONÓMICA E CONSCIENTE

19 12 2011

CHARLA-OBRADOIRO dinamizado por membros de RED COPA DE LUNA (grupo divulgador de alternativas reutilizables para a menstruación dende 2007)

VENRES 23 decembro (de 18:45 a 20:45)

Lugar: Centro Cívico do Castrillón – Pza. Pablo Iglesias, s/n (A CORUÑA)

¿Sabías que unha muller emprega uns 10.000 tampóns e/ou compresas ao longo da súa vida…?

De xeito ameno, compartiremos os problemas de saúde, medioambientais, económicos e de xénero asociados aos produtos convencionais, e coñeceremos as vantaxes das alternativas existentes.

Organiza: ZOCAMIÑOCA (Cooperativa de consumo consciente e responsábel)

Apoia: NOMEPISESOFREGHAO (Moreia de parafeministas desgeneradas)

Evento en facebook

Tamén en COMPOSTELA (día 21) e VIGO (día 22).

+ info: redcopadeluna.webnode.comcopas@planetafinito.org610 248 277

Comments are off for this post

Páxina seguinte »